पुणे – एका गुन्ह्यात बालसुधारगृहात दाखल झालेल्या १६ वर्षीय मुलाला उपचारांसाठी येरवडा प्रादेशिक मनोरुग्णालयात दाखल करण्यात आला होता, या ठिकाणी आरोपीने संबंधित मुलासोबत अनैसर्गिक कृत्य केल्याचा धक्कादायक प्रकार समोर आला आहे. या प्रकरणी पीडितला भुलीचे इंजेक्शन देऊन अत्याचारास मदत केल्याप्रकरणी नर्ससह पाचजणांवर येरवडा पोलिस ठाण्यात गुन्हा दाखल करण्यात आला आहे. याबाबत पीडित मुलाचे आईने आरोपींविरोधात पोलिसांकडे तक्रार दाखल केली आहे.
याबाबत मिळालेल्या माहिती अनुसार पीडित मुलाचे आईने आरोपींविरोधात पोलिसांकडे तक्रार दाखल केली. हा प्रकार ३० मे ते २६ जून २०२३ यादरम्यान येरवडा प्रादेशिक मनोरुग्णालयात घडला आहे. पोलिसांनी दिलेल्या माहितीनुसार, पीडित मुलाला खेड पोलिसांनी एका खुनाचा प्रयत्न केल्याच्या गुन्ह्यात येरवडा बालनिरीक्षणगृहात ठेवले होते. तेथून त्याला मनोरुग्णालयात उपचारांसाठी दाखल करण्यात आले होते. त्याठिकाणी आरोपी अनिकेत गोखले (वय २५) याच्यावरदेखील उपचार करण्यात येत होता. अनिकेत गोखले याने या मुलावर रुग्णालयात वारंवार अनैसर्गिक कृत्य केले. तसेच त्याला हा प्रकार कोणालाही सांगायचा नाही अशी धमकी दिली.
त्यानंतर बरॅकमध्ये अल्पवयीन मुलगा आराम करीत असतानाही मनोरुग्णालयात काम करणारे अनोळखी सिस्टर आणि चार गार्ड यांनी त्याला भुलीचे इंजेक्शन दिले. उपचारांनंतर पीडित मुलास रुग्णालयातून घरी सोडण्यात आले होते. त्याच्या आईने त्याला शाळेत प्रवेश घेण्यासाठी कोल्हापूर येथे नेले. त्यावेळी त्याचा डावा हात सारखा दुखत असल्याने त्याला डॉक्टरांकडे तपासणी साठी घेऊन गेले, डॉक्टरांच्या सल्ल्याने हाताचा एक्स-रे काढला गेला. त्यावेळी त्याच्या हाताला तब्बल १८ ठिकाणी सुया टोचल्याचे दिसून आले. त्यामुळे प्रादेशिक रुग्णालयातील सिस्टर आणि चार गार्ड यांनी त्याला भुलीचे इंजेक्शन दिल्याने त्याच्या हाताला दुखापत झाल्याने आरोपींवर गुन्हा दाखल करण्यात आला. या प्रकरणाचा पुढील तपास येरवडा पोलिस ठाण्याचे उपनिरीक्षक गाताडे हे करीत आहेत.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...