पुणे – येरवडा पोलीस स्टेशन अनेक गुन्हयातील पाहिजे आरोपी नामे निखील कांबळे याचा शोध घेत असताना तपास पथकातील पोलीस अंमलदार राहुल परदेशी आणि सुशांत भोसले यांना त्यांच्या बातमीदारामार्फत बातमी मिळाली की, नमूद गुन्हयातील आरोपी हा चिमाघाट येरवडा भागात येणार आहे. सदरची माहिती वरिष्ठ पोलीस निरीक्षक येरवडा पोलीस स्टेशन, यांना कळविल्याने त्यांनी मिळालेली माहिती वरुन कारवाई करणेबाबत मार्गदर्शन केले, त्याप्रमाणे तिथे जावून सदर आरोपीस पळून जात असताना अतिशय शिताफीने पकडले. त्यास त्याचे नाव पत्ता विचारता निखिल मधुकर कांबळे वय २० वर्षे रा. बनसोडे चौक लक्ष्मीनगर येरवडा पुणे असल्याचे सांगितले, त्याचेकडे चौकशी करता त्याने दाखल गुन्हा केल्याचे कबूल केले. तसेच विश्रांतवाडी, कोरेगाव पार्क, विमाननगर पोलीस स्टेशन कडील गुन्हयामध्ये फरार असल्याची कबुली दिल्याने इतर गुन्हे उघडकीस आले, सदर आरोपीस दिनांक २३ मे २०२३ रोजी २२:३० वाजता अटक करण्यात आला आहे. सदर गुन्हयाचा पुढील तपास पो.उप.नि. रविंद्रकुमार वारंगुळे करत आहेत.
सदरची कामगिरी रंजनकुमार शर्मा, अपर पोलीस आयुक्त साो, पूर्व प्रादेशिक विभाग, शशिकांत बोराटे सो, पोलीस उप-आयुक्त, परिमंडळ ४, किशोर जाधव साो सहा. पोलीस आयुक्त, येरवडा विभाग, बाळकृष्ण कदम, वपोनि येरवडा, जयदिप गायकवाड, पोनि गुन्हे, येरवडा यांचे मार्गदर्शनाखाली तपास पथकाचे अधिकारी पोउपनि अंकुश डोंबाळे, सर्व्हेलन्स अधिकारी रविंद्रकुमार वारंगुळे, सपोफौ प्रदिप सुर्वे, पोहवा गणपत थिकोळे, दत्ता शिंदे, तुषार खराडे, पोना किरण घुटे, अमजद शेख, सागर जगदाळे, कैलास डुकरे, प्रविण खाटमोडे, पोअं अनिल शिंदे, राहुल परदेशी, सुरज ओंबासे, दत्तात्रय शिंदे, सुशांत भोसले, प्रशांत कांबळे, अश्विन देठे यांनी पार पाडली आहे.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...