दिनांक ०५ मे २०२३ रोजी सुनिल फुलारी, विशेष पोलीस महानिरीक्षक, कोल्हापूर परीक्षेत्र, कोल्हापूर यांनी पोलीस संकुल, पंढरपूर येथे सोलापूर ग्रामीण पोलीस दलाची गुन्हे आढावा बैठक घेतली, सदर बैठकीमध्ये उघडकीस न आलेले गंभीर गुन्हे, प्रलंबीत गुन्हे याबाबत आढावा घेवून गुन्हे शाबीतीकरणामध्ये वाढ होण्याच्या दृष्टीने प्रयत्न करणेबाबत सुचीत केले आहे. तसेच आगामी आषाढी वारीच्या संदर्भाने पालखी सोहळा आणि श्री क्षेत्र पंढरपूर येथील वारी बंदोबस्ताचे नियोजन व आखणी याबाबत सविस्तर मार्गदर्शन केले.
बैठकीच्या सुरूवातीसच सुनिल फुलारी, विशेष पोलीस महानिरीक्षक, यांनी सोलापूर ग्रामीण पोलीस दलाकडून राबविण्यात आलेल्या “ऑपरेशन परीवर्तन” या उपक्रमास मा. पंतप्रधान यांचा प्रशासनातील नावीन्यपूर्ण योजनासाठीचा पुरस्कार मिळाल्याबद्दल शिरीष सददेशपांडे, पोलीस अधीक्षक, सोलापूर ग्रामीण यांचे व तसेच या उपक्रमामध्ये योगदान देणारे पोलीस अधिकारी आणि अंमलदार यांची प्रशंसा करून अभिनंदन केले.
सदर बैठकीसाठी सुनिल फुलारी, विशेष पोलीस महानिरीक्षक, कोल्हापूर परीक्षेत्र, कोल्हापूर, शिरीष सददेशपांडे, पोलीस अधीक्षक, सोलापूर ग्रामीण, हिंमत जाधव, अपर पोलीस अधीक्षक, सोलापूर ग्रामीण, सर्व उपविभागीय पोलीस अधिकारी, सोलापूर, पंढरपूर आणि अकलूज उपविभागातील पोलीस ठाणे प्रभारी अधिकारी तसेच पोलीस अधीक्षक कार्यालयातील सर्व शाखा अधिकारी हजर होते.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...