राज्य उत्पादन शुल्क विभागाने बुधवारी दी. 31 मे ति-हे (ता. उत्तर सोलापूर) येथे एका बोलेरोमधून वाहतूक होणारी पाचशे लिटर हातभट्टी दारु जप्त केली.
सविस्तर वृत्त असे की, राज्य उत्पादन शुल्क विभागाच्या भरारी पथकाला मिळालेल्या बातमीनुसार त्यांनी बुधवारी रात्री दहा वाजेच्या सुमारास उत्तर सोलापूर तालुक्यातील ति-हे गाव ते ति-हे तांडा रोडवर सापळा रचून पाळत ठेवली असता, त्यांना बोलेरो जीप क्र. MH-13-AQ-0197 या वाहनातून पाच रबरी ट्युबमध्ये अंदाजे 100 लिटरप्रमाणे पाचशे लिटर हातभट्टी दारु वाहतूक होतांना आढळून आली, वाहनचालक विश्वनाथ दत्तात्रय जाधव, वय 37 वर्षे, रा. बटर बाबू गल्ली, मुळेगाव ता. दक्षिण सोलापूर या इसमास अटक करण्यात आली असून त्याचेविरुध्द महाराष्ट्र दारुबंदी कायदा अन्वये गुन्हा दाखल करण्यात आला आहे, या गुन्ह्यात वाहनाच्या किंमतीसह एकूण रु. 04 लाख 25 हजार 500 किंमतीचा मुद्देमाल विभागाने हस्तगत केला आहे.
ही कारवाई अधीक्षक नितिन धार्मिक यांच्या मार्गदर्शनाखाली प्रभारी उप-अधीक्षक तथा निरिक्षक ब विभाग सदानंद मस्करे, निरिक्षक सुनिल कदम, दुय्यम निरिक्षक सुरेश झगडे, शिवकुमार कांबळे, सहायक दुय्यम निरीक्षक गजानन होळकर, जवान अशोक माळी, अण्णा कर्चे, विनायक काळे यांच्या पथकाने पार पाडली.
राज्य उत्पादन शुल्क विभागाकडून हातभट्टी दारु निर्मिती ठिकाणांवर छापे टाकण्यासोबतच हातभट्टी दारुच्या वाहतूक आणि विक्रीवर कडक लक्ष ठेवून कारवाई करण्यात येत आहे. मे महिन्यात राज्य उत्पादन शुल्क विभागाने हातभट्टी दारु विरोधात मोहिम राबवून 128 गुन्हे दाखल केले असून 7850 लिटर हातभट्टी दारु, 1,12,450 लिटर गुळमिश्रित रसायन, इतर साहित्य आणि पाच वाहने असा एकूण सदोतीस लाख दहा हजार किंमतीचा मुद्देमाल जप्त केला आहे.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...