सोलापूर – सांगली येथील रिलाईन्स ज्वेलर्स मध्ये आठ दरोडेखोरांनी कर्मचार्यांचे हात पाय बांधून दागिने लुटून मंगळवेढ्याच्या दिशेने पलायन केले होते, दरम्यान स्वत: पोलीस अधीक्षक शिरीषकुमार सरदेशपांडे यांनी ग्रामीण यंत्रणेवरुन नागरिकांना याबाबत माहिती देऊन त्या गाडीचे वर्णन सांगत दरोडेखोरांना पकडण्याचे आवाहन केले होते, ते स्वत: ही सांगोला नाक्यावर थांबून वाहनांची तपासणी करीत असताना दरोडेखोरांचे वाहन सापडण्याऐवजी गोव्यावरुन ३० बॉक्स दारु घेवून जाणारे वाहन पोलीसांना आढळून आले, यावेळी आरोपींनी दारुच्या बाटल्या पोलिसांच्या अंगावर फेकून पळाले, परंतु पोलिसांना त्यांना ताब्यात घेण्यात यश आले.
रविवारी सायंकाळी सात वाजण्याच्या दरम्यान मंगळवेढ्यात सांगोला नाक्यावर ही कारवाई झाली, पोलीस सूत्राकडील मिळालेली माहितीनुसार सांगलीतली रिलाईन्स ज्वेलरी ८ आरोपीने लुटून मंगळवेढ्याच्या दिशेने (एम.एच.०७ / क्यू. ५५९९) या जीपमधून निघाले, याची माहिती पोलीस अधीक्षक सरदेशपांडे यांनी कॉल करुन महामार्गावरील नागरिकांना गाडीचे वर्णन देवून गाडी पकडण्याचे आवाहन केले होते.
अतिरिक्त पोलीस अधिक्षक हिंमतराव जाधव, डी. वाय. एस. पी. विक्रांत गायकवाड, गुन्हे अन्वेशन विभागाचे सुहास जगताप, सहायक पोलीस निरीक्षक पोटे आणि त्यांची टीम मंगळवेढ्याचे सहायक पोलीस निरीक्षक बापूसाहेब पिंगळे, सहायक पोलीस निरीक्षक प्रकाश भुजबळ, पोलीस उपनिरीक्षक सौरभ शेटे, पोलीस हवालदार श्रीमंत पवार, हजरत पठाण, युवराज वाघमारे, अस्लम काझी, सचिन वाघ, शिवाजी पवार यांचे पथक शहर महामार्गावर सांगोला नाका येथे बॅरीगेट लावून वाहन तपासणी मोहीम सुरू केली.
प्रत्येक वाहनाची तपासणी सुरु असताना, रविवारी सायंकाळी गोव्यावरुन दारु घेवून येणारे वाहन पोलीसांच्या गरात सापडले, हे वाहन सांगोला येथे पोलीसांना नाक्याव पाहिल्यानंतर टोलवरील बॅरीगेट तोडून फरार झाले, पोलीस त्यांचा पाठलाग करत असल्याचे लक्षात येताच आरोपींनी दारुच्या बाटल्या फेकून मारण्याचा प्रकार केल्याचे पोलीस सूत्रांनी सांगीतले,
चडचणमध्ये निघालेली ही गाडी मंगळवेढ्यात पकडल्यानंतर यातील आरोपी, स्वप्निल कोसेकर, शहाजी गायकवाड, असिफ मुजावर (सर्व रा. मोहोळ) यांना ताब्यात घेतले, ही दारु चडचण येथे विक्रीस जाणार असल्याचे चौकशीत आरोपीने सांगितले. पोलीसांनी आरोपींना ताब्यात घेतले आहे. अधिकारी सध्या दरोडेखोरांच्या मागावर असून महामार्गावरील सी.सी.टी.व्ही फुटेज तपासताहेत.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...