सोलापूर – दिनांक २ ऑक्टोबर २०१३ रोजी करंकब पोलीस ठाणेच्या हद्दीतील मौजे बादलकोट गावातील कदम वस्ती येथे राहणारे फिर्यादी अंकुश कदम हे आपल्या कुटूंबासह वस्तीवरील घरात झोपले असताना अज्ञात चोरट्यांनी घरात घुसून चाकू आणि तलवारचा धाक दाखवून घरातील २,६८,८०० रूपये किंमतीचे सोन्याचे दागिणे आणि रोख रक्कम जबरीने चोरी करून घेवून गेले होते. त्याबाबत करंकब पोलीस ठाण्यात दरोड्याचा गुन्हा दाखल केला होता.
सदर गुन्ह्याचा तपास राजेंद्र टाकणे, तत्कालीन सहायक पोलीस निरीक्षक, करकंब पोलीस ठाणे यांनी केला होता. त्यांनी सदर गुन्हयात एकूण १० आरोपी निष्पन्न करून त्यातील ९ आरोपींना अटक करून त्यांच्याविरूध्द दोषारोप पत्र दाखल केले होते.
परंतू सदर गुन्हयात बिभीषण शरद काळे, वय ३७, रा. फुलचिंचोली, ता. पंढरपूर हा गुन्हा घडल्यापासून स्वत:चे अस्तित्व लपवून राहत होता. सदर आरोपीस अटक करणेबाबत सुरेश निंबाळकर, पोलीस निरीक्षक, स्थानिक गुन्हे शाखा यांनी केलेल्या मार्गदर्शनावरून पोउपनि सुबोध जमदाडे आणि त्यांच्या पथकास सदर आरोपी कोथाळे ते इचगाव या रस्त्यावरून मोटार सायकलवरून जाणार असल्याची गोपनिय माहिती मिळाली होती. त्या बातमीच्या अनुषंगाने पोउपनि जमदाडे यांच्या पथकाने सापळा लावला होता. बातमीनुसार आरोपी हा मोटार सायकलवरून आला असता त्यास ताब्यात घेतले असून. सदर आरोपीस पुढील कार्यवाहीसाठी करकंब पोलीस ठाणेस हजर केले आहे.
सदरची कामगिरी ही शिरीष सरदेशपांडे, पोलीस अधीक्षक, सोलापूर ग्रामीण, हिंमत जाधव, अपर पोलीस अधिक्षक, सोलापूर ग्रामीण यांचे मार्गदर्शनाखाली सुरेश निंबाळकर, पोलीस निरीक्षक, स्था. गु. शा. सोलापूर, ग्रामीण यांच्या नेतृत्वाखाली पोसई सुबोध जमदाडे, पोसई बिराजी पारेकर, सहा.फौ. शिवाजी घोळवे, पोह प्रकाश कारटकर, पोना रवि माने, पोकॉ अजय वाघमारे, अन्वर आत्तार, सुरज रामगुडे, प्रमोद माने यांनी पार पाडली आहे.
दुचाकी आणि ट्रकची समोरासमोर धडक; एकाचा मृत्यू तर एक जखमी
सोलापूर - दिवाळीची खरेदी करून गावी जात असताना तुळजापूर रोडवरील रूपाभवानी सर्व्हिस रोडवर समोरून येणाऱ्या मालट्रकने दिलेल्या धडकेत दुचाकीचालकाच्या पाठीमागे...