सोलापूर – एमआयडीसी पोलीस ठाणेचे वरिष्ठ पोलीस निरीक्षक राजन माने यांनी गुन्हे प्रकटीकरण पथक प्रमुख पोलीस उप-निरीक्षक विक्रम रजपूत यांना आदेशीत केल्यानुसार पोलीस उप-निरीक्षक विक्रम रजपूत आणि त्यांचे पथक हे अवैध शस्त्र बाळगणारे आणि विक्री करणाऱ्या संशयीतांच्या पाळतीवर होते. पथकातील पोहेकॉ राकेश पाटील यांना त्यांचे गोपनीय बातमीदारामार्फत खात्रीशीर बातमी मिळाली की, एक इसम परदेशी बनावटीचे पिस्टल विक्री करण्याकरीता सुनिल नगर, एमआयडीसी, पाण्याच्या टाकीजवळ येथे येणार आहे. त्यानुसार त्यांनी सदरची माहिती पोलीस उप-निरीक्षक विक्रम रजपूत यांना दिली. मिळालेल्या बातमीनुसार दि.01 ऑक्टोबर 2023 रोजी मध्यरात्रीच्या सुमारास पोलीस उप-निरीक्षक रजपूत आणि त्यांचे पथक सुनिल नगर पाण्याच्या टाकीजवळ सापळा लावुन थांबले असता तिथे काही वेळाने एक इसम हातात पिशवी घेऊन चालत येत असल्याचे दिसले. सदरचा इसम दिसताच बातमीदाराने इशारा केला त्यावेळी पोकॉ याळगी यांनी त्यास थांबण्यास सांगीतले असता तो संशयीत इसम पळुन जाण्याचा प्रयत्न करु लागला, तेंव्हा डी.बी. पथकातील इतर अंमलदारांनी त्यास झडप घालुन जागीच पकडले आणि त्याच्या कमरेला लावलेले कापडी पिशवीतील दोन परदेशी बनावटीचे पिस्टल आणि पाच जिवंत काडतुसे असा एकुण 02 लाख 10 हजार 500 रुपयाचा मुद्देमाल हस्तगत करुन आरोपी नामे सुनिल लक्ष्मीकांत अकोले, वय-30, रा. 43, न्यु सुनिल नगर, एमआयडीसी, सोलापूर यास अटक केली आहे. सदरील आरोपी हा रेकॉर्डवरील गुन्हेगार असुन त्याच्यावर एमआयडीसी, जेलरोड, जोडभावी पेठ पोलीस स्टेशनमध्ये, जबरी चोरी करत असताना दुखापत करणे तसेच घरफोडी सारखे विविध गुन्हे दाखल आहेत.
सदरची कामगिरी पोलीस आयुक्त राजेंद्र माने, पोलीस उप-आयुक्त परिमंडळ विजय कबाडे, सहा. पोलीस आयुक्त संतोष गायकवाड, वरिष्ठ पोलीस निरीक्षक राजन माने, पो.नि. शिवशंकर बोंदर यांचे मार्गदर्शनाखाली पोलीस उप-निरीक्षक विक्रम रजपुत, पोहेकॉ राकेश पाटील, नाना उबाळे, दिपक डोके, सचिन भांगे, पोना. मंगेश गायकवाड, पोकॉ. सुहास अर्जुन, शंकर याळगी, काशीनाथ वाघे, दिपक नारायणकर, शैलेश स्वामी, अमोल यादव, अमर शिवसिंगवाले, आमसिध्द निंबाळ, देवीदास कदम, भारतसिंग तुक्कुवाले यांनी पार पाडली.
चंदन काटा येथे भीषण अपघात; एका महिलेचा मृत्यू तर एक महिला गंभीर जखमी…
सोलापूर हैदराबाद रोड येथील चंदन काटा येथे दुचाकी आणि ट्रकचा भीषण अपघात झाला आहे, या अपघातामध्ये एका महिलेचा मृत्यू...