सोलापूर – बुधवार दि. २७ डिसेंबर 2023 रोजी पहाटे करमाळा तालुक्यातील पांडे गावानजीक फिसरे रस्त्याला कंटेनर आणि चारचाकी वाहनाचा भीषण अपघात झाला आहे. या अपघातात चारचाकी वाहनातील आठपैकी तीन जणांचा जागीच मृत्यू झाला आहे, तर करमाळा उपजिल्हा रुग्णालयात उपचार सुरू असताना एकाचा मृत्यू झालं आहे.
घटनास्थळी मिळालेल्या माहितीनुसार कर्नाटकातील गुलबर्गा येथील भाविक सालसेकडून तवेरा गाडी ने शिर्डी येथे दर्शनासाठी निघाले होते, तर एक कंटेनर फरशी घेऊन करमाळ्याकडून सालसेच्या दिशेने निघाला होता, पहाटे पावने सहा ते सहाच्या सुमारास पांडे गावच्या पुलाजवळील वळणावर या गाड्यांची समोरासमोर धडक झाली, अपघातानंतर कंटेनर चालक फरार झाला असून तवेरा गाडी रस्त्याच्या खाली उपडी पडली.
अपघाताचा आवाज येताच पांडे गावातील युवकांनी घटनास्थळी धाव घेऊन सदर चारचाकी एका अंगावर करून जखमींना बाहेर काढले, प्रसंगावधान राखून या युवकांनी रुग्णवाहिका आणि पोलिसांना पाचारण करून मदतकार्य सुरू केले, या अपघातात श्रीशैल चंदेशा कुंभार (वय-५६, गुलबर्गा), शशिकला श्रीशैल कुंभार (वय-५०, गुलबर्गा) आणि ज्योती दिपक हुवशालमठ (वय-३८, बागलकोट) यांचा जागीच मृत्यू झाला तर शारदा दिपक हिरेमठ (वय-७०, हुबळी) उपचारा दरम्यान करमाळा उपजिल्हा रुग्णालयात मृत घोषित करण्यात आले.
सदर अपघातात गाडी ड्रायव्हर श्रीकांत राजकुमार चव्हाण (वय-२०, गुलबर्गा) हा किरकोळ जखमी झाला असून केवळ आठ महिन्यांचा चिमुकला सुखरूप बचावला आहे तर इतर जखमींवर उपचार सुरू आहेत.
चंदन काटा येथे भीषण अपघात; एका महिलेचा मृत्यू तर एक महिला गंभीर जखमी…
सोलापूर हैदराबाद रोड येथील चंदन काटा येथे दुचाकी आणि ट्रकचा भीषण अपघात झाला आहे, या अपघातामध्ये एका महिलेचा मृत्यू...